ჩაის რეგულარული სმა ტვინის დაბერებას ანელებს. ახალი კვლევა
ფიზიოლოგების ჯგუფმა სინგაპურის უნივერსიტეტიდან პროფესონ ფენ ლეემის მეთაურობით გამოაქვეყნა კვლევა, რომელიც ამტკიცებს, რომ იმ ადამიანების ტვინი, რომლებიც ჩაის რეგულარულად სვამენ უფრო მაღალი ორგანიზებულობით გამოირჩევა და ზოგადად უფრო ჯანმრთელია, ვიდრე იმ ადამიანების ტვინი, რომლებიც ჩაის არ სვამენ.ასეთ დასკვნამდე მეცნიერები 36 ხანდაზმული პაციენტის მაგნიტო რეზონანსული ტომოგრაფიის შედეგების ანალიზით მივიდნენ.

კვლევაში მონაწილეობდნენ ბრიტანელი ფიზიოლოგებიც , კვლევის შედეგები კი ჟურნალ Aging -ში გამოქვეყნდა.

დიდი ხანია ცნობილია, რომ ჩაი დაკავშირებულია ემოციონალურ მდგომარეობასთან და გულ–სისხლძარღვთა სისტემის მუშაობას აუმჯობესებს. გარდა ამისა, იმავე სინგაპურელი მეცნიერების მიერ ორი წლის წინ გამოქვეყნებულმა კვლევამ აჩვენა, რომ ჩაის რეგულარული მიღება ორჯერ ამცირებს ხანდაზმულ ასაკში ნეიროდეგენერატიული დაავადებების განვითარების რისკს.

ამჯერად მკვლევარებმა მიზნად დაისახეს ტვინის ცალკეულ უბნებზე ჩაის გავლენის ნიშნების აღმოჩენა.მათ 60 წლის ზევით 36 მოხალისე შეკრიბეს და დაიწყეს მათი ჯანმრთელობის, კვების, ჩვევების და ფსიქოლოგიური მდგომარეობის შესახებ მონაცემების შეგროვება. კვლევა სამი წლის მანძილზე – 2015 დან 2018 წლამდე გრძელდებოდა.


ექსპერიმენტის მონაწილეთა კოგნიტიური უნარების ანალიზმა მაგნიტო რეზონანსული ტომოგრაფიის პასუხებთან ერთად აჩვენა, რომ მათი ტვინის უბნების შორის ურთიერთქმედება, ვინც 25 წლის მანძილზე მწვანე ან შავ ჩაის სვამდა კვირაში მინიმუმ ოთხჯერ, ბევრად უფრო ეფექტური იყო.ტვინის უბნებს შორის უფრო ეფექტური კავშირი კი ნერვული სიგნალების უფრო სწრაფ გადაცემას ნიშნავს, რაც თავის ხანდაზმულ ასაკში მეხსიერების და სხვა კოგნიტიური ფუნქციების უფრო ნელ დაქვეითებას ნიშნავს.

ახლა ფიზიოლოგებს განზრახული აქვთ დაადგინონ, ჩაიში შემავალი კონკრეტულად რომელი აქტიური ნივთიერებები ახდენენ დადებით გავლენას ტვინზე.

Print
ბოლო სიახლეები