ბრიტნი სპირსმა ფსიქიატრიული კლინიკა ბოიფრენდთან შესახვედრად დატოვა
37 წლის მომღერალი ბრიტნი სპირსი ნერვული სისტემის აღდგენის პროცესს ფსიქიატრიულ კლინიკაში გადის. თუმცა, ზოგიერთი დღესასწაული ღირს იმად, რომ მკურნალობის სერიოზული კურსი დროებით შეწყვიტო.

კვირას, კათოლიკურ აღდგომაზე ჟურნალისტებმა მომღერალი ბევერლი ჰილზზე სასტუმრო Montage–დან გამოსვლისას შენიშნეს. ის ალისფერ კაბაში იყო ხელში კი ბოტასები და ნარინჯისფერი ჯემპრი ეჭირა. მასთან ერთად იყო 25 წლის ბოიფრენდი სემ ასგარი.

მამაკაცმა ბრიტნი სპირსი ტაქსამდე მიაცილა. სასტუმროს პერსონალმა ჟურნალისტებს გაუმხილა, რომ შეყვარებულებმა ნომერში მთელი დღე გაატარეს. ამის შემდეგ როგორც ჩანს ბრიტნი კლინიკაში დაბრუნდა, სადაც კიდევ 30 დღე უნდა გაატაროს.

მომღერლის თაყვანისმცემლები აღნიშნავენ, რომ ის დაღლილად გამოიყურებოდა. თუმცა მაინც უხარიათ რომ ის ქალაქში გამოვიდა. ცოტა ხნის წინ ვარაუდობდნენ, რომ ბრიტნი სპირსი მამამ, ჯეიმს სპირსმა კლინიკაში ძალით მოათავსა და იქ იძულებით ამყოფებს. მისი ავადმყოფობის შესახებ ინფორმაცია კი გაზვიადებულია. ახლა კი ყველამ ნახა, რომ ბრიტნის კლინიკის დატოვება მაშინ შეუძლია, როცა მოისურვებს.

მომღერალი ძალიან არის მამაზე დამოკიდებული. მას ბიპოლარული აშლილობა აქვს. მამა კი მისი ერთადერთი მეურვეა. ოფიციალური ვერსიით მომღერალი კლინიკაში სამუშაოსგან გადაღლილობის გამო წევს.

2008 წელს ფსიქიკასთან დაკავშირებულმა პრობლემებმა ის გამოიწვია, რომ განქორწინებისას ბრიტნის შვილებზე მეურვეობა მის ქმარს, კევინ ფედერლაინს მისცეს. გასულ წელს კი მან ყოფილ ცოლს ალიმენტების გაზრდა მოთხოვა. თვითონ კი ბავშვების აღზრდაში ფულის ჩადება არ უნდა. ქმრის ადვოკატების ანაზღაურების გადახდაც კი ბრიტნის მოუწია. მან ქმრის სასამართლო ხარჯები – 110 ათასი დოლარი დაფარა.


Print
ბოლო სიახლეები