საფრანგეთში რესტორნის კლიენტმა სენდვიჩის დაგვიანების გამო ოფიციანტი მოკლა
საფრანგეთში რესტორნის კლიენტმა ოფიციანტი მოკლა. ადგილობრივი პრესის ინფორმაციით კლიენტი იმის გამო გაბრაზდა, რომ მისი სენდვიჩი არასაკმარისად სწრაფად მოამზადეს.

პოლიციის განცხადებით მიმდინარეობს მკვლელობის გამოძიება, რომელიც პარიზის აღმოსავლეთ გარეუბანში, ნუაზი–ლე–გრანში პარასკევს საღამოს მოხდა.

ეჭვმიტანილი ადგილიდან მიიმალა და აქამდე ვერ იპოვეს.

სასწრაფო დახმარების ბრიგადები 28 წლის ოფიციანტის გადარჩენას უშედეგოდ ეცადნენ. ის შემთხვევის ადგილზევე გარდაიცვალა. ოფიციანტი მხარში იყო დაჭრილი.

მისმა კოლეგებმა პოლიციას შეატყობინეს, რომ კლიენტმა თვითკონტროლი დაკარგა შეკვეთის ხანგრძლივი ლოდინის შედეგად.
ინციდენტი სწრაფი კვების რესტორან Mistral–ში მოხდა, სადაც ძირითადად პიცას და სენდვიჩებს ამზადებენ.

მკვლელობამ შოკში ჩააგდო როგორც რესტორნის თანამშრომლები, ასევე ადგილობრივი კომუნა.

“ეს წყნარი რესტორანია, სრულიად უპრობლემო. რამდენიმე თვის წინ გაიხსნა“ – ამბობს ადგილობრივი მცხოვრები 29 წლის ქალი.

ზოგიერთიადგილობრივის თქმით ამ რაიონში ბოლო დროს დანაშაულის მატება შეიმჩნევა, ქუჩებში კი სულ უფრო ხშირად ყიდიან ნარკოტიკს და მოიხმარენ ალკოჰოლს.

Print
ბოლო სიახლეები