არ ვიზიარებთ!- იმედის თანამშრომლები ეთერში გასულ ფილმს ემიჯნებიან

ტელეკომპანია "იმედის" ჟურნალისტები აგვისტოს ომის შესახებ ტელეკომპანიის ეთერში გასულ ფილმს ემიჯნებიან.

ამის შესახებ რამდენიმე ჟურნალისტის იდენტური შინაარსის  სტატუსები სოციალურ ქსელში ვრცელდება.

ეთერში გასულ ფილმს, რომელიც საზოგადოების მხრიდან რუსული პროპაგანდის ნაწილად შეფასდა დაახლოებით ტელეკომპანიის 10-ზე მეტი ჟურნალისტი ემიჯნება.  ესენი არიან ნანა ლეჟავა, თეა სიჭინავა, ვასილ დაბრუნდაშვილი, ლევან კვატაშიძე, სოფო ბერიძემ, ნატა მახვილაძე, ნანუკა ქაჯაია, პაპუნა შუშანია, დავით ცაგარელი, ხათუნა მაისურაძე, ნუცა ტრაპაიძე.

"არ ვიზიარებ რუსეთ-საქართველოს ომის შესახებ მომზადებული მასალის ერთ-ერთ მთავარ ხაზს. მიუღებელია რუსეთის ჯარის საქართველოში იძულებით შემოჭრის თაობაზე გამოთქმული ვერსია და ამას წლების განმავლობაში ომის თემაზე ჩვენ მიერ მომზადებული
რეპორტაჟები ადასტურებს!"
-წერია იმედის ჟურნალისტების მიერ გავრცელებულ ფეისბუქ სტატუსებში.

შეგახსენებთ, იმედზე” გასულ სკანდალურ ფილმზე, რომელსაც საზოგადოების და ოპოზიციის მხრიდან დიდ კრიტიკა მოჰყვა, პასუხისმგებლობა არხის გენერალური დირექტორის მოადგილემ ნიკა ლალიაშვილმა აიღო. ლალიაშვილი აცხადებს, რომ ფილმის პროდიუსერი თავად არის.
Print
ბოლო სიახლეები